Rahat Indoori Shers

1.
Ishq ne ghundeh the jo gajre nukile ho gaye,
Tere hathon main to yeh kangan bi deele ho gaye.
Phool bechare akele reh gaye hain shakh par,
Gaon ki sab titliyon ke hath peele ho gaye.
Kya zaroori hai ki karain vishpaan hum Shiv ki tarah,
Sirf jaamun kha liye aur hoth neele ho gaye.

-------------------------------------------------------------------------------------------------------------

2.

Samundron ke safar main hawa chalata hai,
Jahaz khud nahin chalte Khuda chalata hai.
Tujhe khabar nahin mele main gumne wale,
Teri dukaan koi dusra chalata hai.
Hum apne budde charagon pe khoob itraye,
Aur usko bhool gaye jo hawa chalata hai.
Aur ye log paon se nahin zehen se apahij hain,
Uddar chalenge jiddar rehnuma chalata hai.

-------------------------------------------------------------------------------------------------------------

3.

Uski kathaye aankhon main hai jantar mantar sab,
Chaku waku,churian vuriyan,khanjar vanjar sab.
Jis din se tum roothi mujse ruthe ruthe hain,
Chadar vadar,takiya vakiya,bistar vistar sab.
Mujse bichad ke wo bi kahan ab pehle jaisi hai,
Feeke pad gaye kapde vapde,zever vever sab.
Ishq vishq ke saare nuske mujse seekhte hain,
Manish Vanish,Sharma Vrama,Pandey Vandey sab.
Aakhir main kis din dubunga fikrain karte hain,
Dariya variya,kashti vashti,langar vangar sab.
Tulsi ne jo likha wo kuch badla badla hai,
Lanka vanka,jungle wungle,bandar vandar sab.
---------------------------------------------------------------------------------------------------------