Khusk daryaon main halki si ravani aur hai,
Rait ke neeche abhi thoda sa paani aur hai.
Ek kahani khatam karke wo bahut hai mutmayin,
Bhool baitha hai ki aage ek kahani aur hai.
Boriye par baithiye kulad main paani pijiye,
Hum kalandar hain hamari mezbani aur hai.
Jo bi milta hai usee apna samaj leta hun main,
Ek bimaari muje ye khandaani aur hai.

Jagne ki bi,Jagane ki bi aadat ho jaaye by Rahat Indoori

Jagne ki bi,Jagane ki bi aadat ho jaaye,
Kaash tujko kisi shayar se mohabbat ho jaaye.
Dur hum kitne dino se hain ye kabhi gaur kiya,
Fir na kehna jo amanat main khayanat ho jaaye.
Jugnuao tumko naaye chand ugane honge,
Iss se pehle ki andheron ki hukumat ho jaaye.
Ukhde padte hain meri kabar ke pathar har din,
Tum jo aa jao kisi din to maramat ho jaaye.

~Rahat Indoori