Ankhon main raha dil main uttar ke nahi dekha

1.

āñkhoñ meñ rahā dil meñ utar kar nahīñ dekhā

kashtī ke musāfir ne samundar nahīñ dekhā

be-vaqt agar jā.ūñgā sab chauñk paḌeñge

ik umr huī din meñ kabhī ghar nahīñ dekhā

jis din se chalā huuñ mirī manzil pe nazar hai

āñkhoñ ne kabhī miil kā patthar nahīñ dekhā

ye phuul mujhe koī virāsat meñ mile haiñ

tum ne mirā kāñToñ bharā bistar nahīñ dekhā

yāroñ kī mohabbat kā yaqīñ kar liyā maiñ ne

phūloñ meñ chhupāyā huā ḳhanjar nahīñ dekhā

mahbūb kā ghar ho ki buzurgoñ kī zamīneñ

jo chhod diyā phir use mud kar nahīñ dekhā

ḳhat aisā likhā hai ki nagīne se jade haiñ

vo haath ki jis ne koī zevar nahīñ dekhā

patthar mujhe kahtā hai mirā chāhne vaalā

maiñ mom huuñ us ne mujhe chhū kar nahīñ dekhā

2.

Na jaane humse kya kasoor hote hain,Hum jinse pyaar karte hain wo humse dur hote hain.